Hi friends,

The coming Aug and Sept schedule are fully occupid:7)
Thx everybody and will launch the coming available schedule soon!
If you have any questions on swimming, you could ask me here!

Cheers,
Miss Lam

你估下邊個會快D學識游水? 怕水女VS機械男 part 2

上回講到怕水Zoey如何克服對水o既畏懼,

今個星期繼續分享”機械男”Dave如何學放鬆...

Dave一D都唔怕水,但每次游水三下唔埋就沉落池底...
我示意他游D蛙式比我睇,佢第一下蛙式o既次序冇問題,
但第二下開始下潛,但第三下到了池底... 夠竟發生咩事?

好簡單...就係佢冇放鬆! Dave問: “夠竟咩叫放鬆?

明明我自己覺得放鬆o左喎...”
然後我示意他 “大字型”打開在水面浮,我發現佢雙腳下沉,
但上身浮在水面,之後我按一下他的小腿肌肉, 完全係實o既…

即係佢雙腳仍未放鬆!
之後不如轉一個更易明o既term o黎形容放鬆...

放鬆=唔用力

“唔用力”o既感覺應該唔難明,
更具體就係死屍“扒”o係張床度放鬆哂o既感覺...

圖1.錯誤示範"泥耙"腳:
*同學們好多時當伸直腳時唔記得自己腳踝"抅起"o左,令小腿肌肉拉緊.

圖2.錯誤示範"芭蕾舞"腳:
*同學們有時克意伸直腳,但大腿至小腿"登"得太直,肌肉拉緊所以游兩下就沉...

圖3.正確示範"扮死屍":
*正確o既放鬆全個人冇用力大字形"扒"o係度,雙膝可以微微曲起,
總之令自己最relax o既狀態下浮起,之前有提過,"蔽氣"可令身體浮定在水面及保持平衡.

Dave終於明白過中道理,全個人懂得“唔用力”,
自自然可以游耐好多…

如掌握以上o既 “放鬆”方法,
可以更針對以下幾方面著手: 邊度同幾時 “唔用力”

1. 雙腳
2. 雙手
3. 蔽氣"timing

雙腳幾時 “唔用力”:

*游完每一下蛙式後,全個人都要伸直停下三秒唔用力,
有時雙腳雖然有伸直,但冇 “唔用力”,如此下去,小腿肌肉繼續繃緊的,
全個人都只會一下比一下沉...

雙手幾時 “唔用力”:

*不要依賴雙手太用力撳上o黎呼吸,因為向上動力大,
回彈力更大, 嘗試用頸及腰向上幫助呼吸,
手o既負擔減少,身體傾斜還原快些及穩定些.

"蔽氣"timing :

*當換完氣後可以試下先"蔽氣"令下沉o既身體先浮定,
腰部伸直令pat pat及雙腳浮回水平線位置才開始游第二下...
浮定後再游第三下,如此類推, 那樣才可以游得長久.

你估下邊個會快D學識游水? 怕水女VS機械男 part 1

從前有兩個好想學游水o既人,

一個女的(暫叫Zoey 28歲)超怕水,

塊面碰到水便會"fing"左"fing"右,

好似要張全個泳池d水"fing"走哂為止...

令一個男的(暫叫Dave 33歲)唔怕水,

但游到好似機械人,

每游一步就用好多力上o黎換氣,

不出三步就沉到池底了...

你估下邊個會快D學識游水?

答案係....Zoey!

點解一個咩都由零開始o既Zoey會游得好過已經識DD o既Dave?

皆因唔識放鬆累事...唔攰就奇...

先講Zoey,與普遍大人學游水o既情況一樣,佢o係童年時曾經溺水,

這個是普遍成年人學游水心理障礙之一,

最重要係你有冇決心去學識佢,克服佢!

而教練o既角色係陪你一齊克服佢!鞭策你學識佢!

每個人都會對UNKNOWN o既o野恐懼,

好似我揸車怕停斜路,

特別o係上斜跑馬仔,唔知幾時先塞完...

但我知道越怕越出事, 所以同自己講:怕咩先?最多咪後流....

所以學游水最worse係咩?

咪"飲水"同"潛水",但呢兩樣o野好快可以K.O,咁重怕咩先?

"飲水"o既主因多是水中breathing唔正確,

"鼻吸鼻呼"或"鼻吸口呼",

全部用個"鼻"吸都一定出事,

我o地唔係大笨象唔駛用個鼻"飲水"o既...

跟我游, 第一堂頭10分鐘一定要掌握水中breathing同"蔽氣",

因為呢兩樣野會直接影響你"浮水"定"潛水"....

TO BE OR NOT TO BE....

變"機械人"定"浮水大怪獸"....就睇你喇.....



 可在家用小面盆練習

1.用口深吸一口氣
2.面放入水,合埋口,用鼻噴哂所有氣,感覺好似噴鼻涕一樣

當然...Zoey好快就變到"浮水大怪獸"啦! 佢好快明白原來d水"粒"過塊面都可以呼吸o既原理後,
成個人放鬆哂! 而"放鬆"就係學游水o既關鍵,
所以佢好快就游到一個25m橫池蛙式,
雖然係中池, 但佢一次都冇偷偷地企o係度!
以一個噤怕水o既女仔o黎講,好叻o家喇!
之後佢繼續跟我每星期游一日自己游一日,不出兩個月,
佢可以好放膽o係大池游到最少200m(即4個來回直池),
重學識埋踏水及其他water safety skills!

I m so proud of her!:)

Keep it up! Enjoy every moment in water!



Zoey sent me this picture when she ran into Bondi beach, Aussie. 2012 summer!


P.S.潛水"機械男"part 2待續...

C.S.P成人學游泳網誌終於開張了!





  C.S.P成人學游泳網誌終於開張了!
終於有時間同想學游水o既朋友多一個交流o既平台 :)

大家好!我係C.S.P Miss Lam ,
一個教o左游泳20幾年o既 swim coach!
近年至力於成人教學, 皆因大人學游水目標清晰, 想學咪學囉~
但去邊度學先得格?

咁就要睇下你學游水o既target同埋有幾想快d學識啦!
如果你o既學習理念同我o既教學方針相近,
不妨搵我o地幫手!

跟我學游水唔平,但學成後你可以慳好多錢同時間!
我成日抱住呢個信念去學野,你用最短o既時間學識,
之後你可以用無限o既時間自己練習,最初可能會有d辛苦,
但最後得益o既一定係你!

我o既學生大部份都係25-45歲在職人士,
佢o地o既target大多數享受生活為主, 中產o既朋友,生活壓力大,
學識游水係1st stepstone去下一個level,
可以join朋友出海wake boarding,去 Big Barrier Reef diving,
或去Maldives snorkeling,多一個人生享受o既段落,何樂而不為?

以後我會分享一些學生o既case study,可能你都有遇到以上o既問題!
如果想了解C.S.P多些,可到以下website:
http://cspswim.wix.com/cspswim

Thanks for visiting(: